ПАБЛИШЕР - моето, онлајн!

Преселба

2008-01-23T03:22:00.000+01:00

Мигрирав на нов сервер (благодарам Гемиџи, благодарам Лугола) и на Wordpress. Имав можност безболно да ги импортирам сите записи (со коментари) од мојот стар блог. Си најдов и супер темичка, додека да најдам доволно време за да си направам своја.

Отсега па натаму, моето, онлајн постои на http://pablisher.lugola.net.

За "MAC" или "PC"?

2008-01-22T02:23:00.000+01:00

Има еден релативно глупав веб-сајт кој често го посетувам кога ми е здодевно и обично успева да ми потроши најмногу 5-10 минути од досадата, но денес за прв пат се фатив себеси како всушност читам нешто на Inethouse.

Некој корисник решил по 4 години да го надгради компјутерот, па бара мислење од останатите корисници дали да остане со Windows XP, да се одлучи за Vista или пак да се преориентира на MacOS. Многумина коментирале... еден според мене е реален:

Never go for a mac my friend! If you wanna buy a mac but install windows that will be fine (having both os). But don't believe what they say in their ads. They say "Think Different". Thinking different is NOT enough! Mac is for people who don't know any thing about PC or trouble shooting. They just want something that works that they can check their email, chat, use iBlah to make pretty stuff to show off for their friends. But the truth is there is yea it just works, But there is not much to work with! You can't make a website with .mac and sell it. Cuz it's SO DAMN ugly and it's SO limited in designing. For video/Music editing/compositing people use mac in the industry. But I don't get WHY? There are A BUNCH of programs that are WAY better than the ones are used in mac. In Animation industry people use Windows mainly. For programming, .NET, ASP and PHP people use mostly Windows. For hosting is 40% Win and 60% Linux and I prefer linux in this case (not mac). And finally in HARD CORE realtime editing people use windows but mostly Unix systems like IRIX. врска

Никогаш не сум користел Mac, но по сите нивни глупави реклами, презентации, мислења и заблуди, некако сè ме тера на мислење дека, штом некој толку многу посветува внимание на шминкање на својот производ, сигурно има многу добри причини и премногу слободно време за да ги прикрие неговите слабости. Со други зборови има лоши задни намери. Ако се симне шминката, тогаш MacOS X нема да биде ништо подобар од било која современа ГНУ/Линукс дистрибуција. Денес за ГНУ/Линукс има прекрасни апликации (Blender, OpenOffice.org, Firefox, Thunderbird, Amarok, Miro, Gimp, Pidgin, Compiz Fusion...), што се исклучително пријателски ориентирани и многу, многу стабилни. Доколку MacOS X „го користат професионалци“, зошто истите тие професионалци не би можеле да цртаат, дизајнираат, обработуваат во Inkscape, Blender, Gimp?! И кој вели дека во Windows Vista е полесно да се снајде човек отколку во Ubuntu, на пример? Тој што мисли така веројатно има погрешно мислење за сопствените квалитети и капацитети, па не му е ни важно дали постои план Б кој е подобар од неговиот. Кога таквите луѓе ќе почнат да користат ГНУ/Линукс, човештвото ќе може навистина да се гордее... не заради отворениот код... не заради лиценците... туку заради патот по кој ќе почне да се движи. Тогаш веројатно ќе се слуша само џез и блуз. (I wish :))

Во овој релативно краток период откога го истражувам ГНУ/Линукс (главно Ubuntu/Kubuntu/Xbuntu/Knoppix/Mandriva/Fedora) постојано ми се провлекува една иста мисла: луѓето што успеале целосно да преминат на ГНУ/Линукс меѓу другото, се слободни од предрасуди, речиси секогаш знаат точно што бараат и што сакаат, умеат да направат разлика помеѓу добро и лошо и за среќа или не, се надвор од „толпата“.

Во оној момент кога Adobe ќе реши да објави ГНУ/Линукс верзии од Creative Suite, Apple ќе почне да пропаѓа и конечно ќе остане да се добие потешката битка со Microsoft. Ако тоа не се случи до 2010 тогаш веројатно нешто погрешно сум разбрал и сум преценил. :)

Откритија за 2007

2007-12-22T03:20:00.000+01:00

Richard Hawley - Lady's Brige

Mice Parade - Mice Parade

Morphine - целосна дискографија

The Cinematic Orchestra - Ma Fleur

VA - Gilles Peterson Digs America Vol.2

Yael Naim - Yael Naim

The Boy Least Likely To - The Best Party Ever

Jens Lekman - Night Falls Over Kortedala

Meiko Kaji - Zenkyoku Shu

Marc Collin - Two For The Road

Internet Explorer 8 (ќе) бил Acid2 позитивен

2007-12-19T22:09:00.000+01:00

Што е Acid2?

Уааааууу... Се прашувам да не играло некое copy/paste со сликава што ја имаат објавено на блогов. Што па не го покажале и „About“ прозорецот од IE8 Beta, ако имаат некаква постоечка бета?! Ќе цитирам еден коментар од Neowin:

whats more surprising?
that they didn't fully support basic web standards before, or that it took them THIS long to do it?

Туку ме заболе за IE... Вчера излезе Firefox 3 Beta 2! Не сум ја тестирал уште... Рецензија има на Mozilla Links.

Како да претворите daa датотека во iso бесплатно? Во ГНУ/Линукс!

2007-12-08T00:06:00.000+01:00

Баш периодов нешто преземав преку торенти и кај најголем дел од архивираните датотеки, го сретнав типот ‘daa’. ‘Daa’ е всушност ист датотечен формат како и ‘iso’, само што е од целосно затворен тип и никој не може да го имплементира во своите апликации затоа што неговите креатори решиле дека не го даваат. Ова лаички кажано нели... Вистинката причина е заработувачката... PowerISO е единствената апликација со која може да се прави конверзија од ‘daa’ во ‘iso’ формат и таа чини околу 30$ по лиценца, нормално тоа важи за Windows. PowerISO за ГНУ/Линукс е бесплатна апликација. Не е со отворен код, но доаѓа како извршна датотека, преку која можете да ги обавите сите основни процедури, за кои е наменета апликацијата. Ако сметате дека ви е полесно да барате кракови и да ја користите верзијата за Windows, тогаш не читајте во продолжение.

За оние останатите кои веруваат дека животот треба да им биде поедноставен, еве како со PowerISO под GNU/Linux да направите конверзија на ‘daa’ датотека во ‘iso’.

Преземете ја извршната датотека од овде. Отпакувајте ја некаде... на пример, во /home/име_на_корисник/. Појдете во папката преку конзола и внесете ја следнава команда без да се најавувате како администратор (значи без sudo/su):

./poweriso convert име_на_датотека.daa –о име_на_нова_датотека.iso –ot iso

Притоа се подразбира дека пред името на датотеката морате да ја наведете локацијата каде што истата се наоѓа и повторно локацијата каде што планирате да го зачувате iso-то. Доколку имате некое комплицирано име на папка/датотека со празни места, користете апострофи: ‘Ова е папката/датотеката’.

Доколку сакате да ги дознаете сите можни команди на PowerISO под ГНУ/Линукс прочитајте за нив во документацијата, преку командата:

./poweriso -?

Не ми е јасно зошто некој го користи daa датотечниот формат, а не iso? Уште помалку разбирам кој би дал 30$ за ужасен софтвер за Windows, како што е PowerISO. Сепак благодарност до производителите што не заборавиле на луѓето што сакаат да имаат избор.

Unreal Tournament 3 е ИГРИШТЕ!

2007-12-05T23:35:00.000+01:00

Сè некако си мислев дека играва ќе разочара, ама грешка сум бил. Игрива е до бесконечност, убава е за гледање, беспрекорно е стабилна и што е најинтересно во иднина ќе има клиент и за ГНУ/Линукс. Едвај чекам да видам какво искуство ќе биде тоа.

Извадив некое сликче колку да не биде штуро. Сликите се извадени со основно (default) пост-процесирање во прозорец и на „Insane“ пост-процесирање на цел екран, во Windows XP SP2.

По приказна, уште не сум играл, ама на Instant Action се раскостив. Прекрасно и многу забавно. Што се однесува до хардверот во споредба со Gears of War, Unreal Tournament 3 е многу поскромна што и визуелно се забележува (повеќе фрејмови во секунда). На резолуција 1280x1024px со „Insane“ пост-процесирање на мојот компјутер (Athlon 64 3200+, 2GB RAM, GeForce7600 GS 256MB VRAM) се игра со 15-тина фрејма во секунда. Без пост-процесирање на резолуција 1280x1024px сè е беспрекорно, но и малку посиромашно. Интересно е и тоа што во било кој момент од играњето може да се активираат/деактивираат специјални ефекти, да се промени резолуција, да се помине во „windowed“ мод... супер!

Физиката во играта ќе биде посебно интересна за сопствениците на Ageia PhysX - хардверскиот акцелератор за физика (ако воопшто некој во Македонија има ваква картичка).

Не знам што е ново „на хартија“, кај Unreal Tournament 3, ама мене ми се виде ептен интересна. Ја препорачувам. :)

OLPC во Точка - 12.12.2007

2007-12-05T18:04:00.000+01:00

На 12ти декември, среда, со почеток од 20:00 часот во Точка (позади соборен храм) ќе се одржи кратка презентација на лаптопот XO, познат како лаптопот за секое дете. Настанот е организиран од страна на Слободен софтвер Македонија во склоп на проектот „Сподели знаење“. Еве го и распоредот за презентацијата:

Почеток на настанот. Вовед и објаснување за гостите.

Видео од презентација на Николас Негропонте - Директор на фондацијата OLPC дадена на конференцијата ТЕD

Образовните можности на OLPC

Технички спецификации и можности на OLPC

Слободен софтвер Македонија веќе целосно го локализираше на македонски јазик, софтверот кој што го користи овој лаптоп, па се надеваме дека ќе успееме да ја ажурираме последната верзија на софтверот која што го вклучува и македонскиот превод.

Се гледаме во Точка!

Збогум Он.нет

2007-12-01T13:34:00.000+01:00

После речиси 3 месеци натегања си ги исчистив гревовите! :) Го раскинав договорот за WADSL без било какви дополнителни надоместоци, а на мое искрено изненадување ми беше простен долгот за 3462,16MB... Уаааууу... На Он.нет искрено му посакувам да стане подобар па во иднина да успее да ме врати како корисник. Дотогаш, останувам ЗАДОВОЛЕН корисник на Македонски Телекомуникации т.е. на МТ.Нет. Еве една „кратка“ хронологија на настаните.

На 25.10.2007, го раскинувам договорот за Solo 101, кој го поднесувам месец и половина порано. Нормално никогаш (за среќа) не ја дочекувам мојата конекција. Опрема за Solo 101 земам, па на 25 октомври неа ја враќам. Патем поднесувам и приговор за раскинување на договорот за користење WADSL. На 25 октомври - ден четврток - ми е речено дека во понеделник ќе ми се јават во врска со приговорот. Инаку пред да ги завршам претходниве работи одам во главниот Он.нет (да не речам Дирекција) од каде ми велат дека таму не раскинуваат договори... одам во најблискиот продажен салон од преку улица, ми велат дека опремата се враќа во продажниот салон во кој е поднесен приговорот... одам во Беверли и потоа започнувам разговор со некоја си „нова“ вработена која што згора на сè, ми го зема и договорот за WADSL... наводно бил потребен за приговорот... тоа да ти немало врска!

На 29.10.2007, понеделник, нели - никој не ми се јавува.

На 30.10.2007, вторник - одам повторно во продажниот салон во Беверли, зашто таму сум го поднел приговорот. „Да еве гледам сте поднеле приговор, но нема сè уште ништо одлучено за него... утре ќе ви се јават сигурно."

На 31.10.2007, среда, Утре, ништо! Ни абер ни глас. Бидејќи самите си одредиле рок од 15 дена за да се произнесат по приговорот, решавам да престанам да одам по салони додека тој рок не помине и потајно се надевам дека ќе се вразумат и ќе ми се јават.

Во наредните неколку денови склучувам договор со МТ.Нет и за околу две недели ставам MaxADSL 100. Да појаснам зошто ова траеше волку долго. Он.нет во случајот со Solo пакетите, се препродавачи на ADSL-от на МТ.Нет, заради што доколку поднесете барање за Solo во Он.нет, тие поднесуваат барање до МТ.Нет и ви отвораат кориснички профил во МТ.Нет. Тоа е исто како да се корисник на МТ.Нет само што му плаќате на Он.Нет. Доколку раскинете договор за Solo, треба да поминете низ сите можни комуникациски проблеми меѓу Он.Нет и МТ.Нет и да ви биде поништен корисничкиот профил во МТ.Нет. Патем правните процедури се многу долги. За неколку дена ми се јавија, отидов, средив договорите и за само 2 дена потоа, имав активен MaxADSL акаунт.

Поминаа 15 дена од поднесувањето на приговорот за раскинување на договорот за WADSL... па на 9.11.2007, појдов во продажниот салон во Беверли. Во меѓувреме од Он.нет ми стига сметка за ноември... Вријам! Во салонот објаснувам во што е проблемот... разговарам со една многу убава девојка (штета што подоцна излезе дека била ретко глупава) која наместо да покаже разбирање, почнува да се расправа со мене, како јас да сум крив што таа мора да поминува низ процесов заедно со мене... Вели: „Ама вие не доаѓајте! Кога ќе биде одговорено по приговорот ние ќе ве контактираме!“ Велам:„Ви помина рокот! Зошто тоа не го направивте досега? Зошто ми праќате сметка за ноември?". Вели: „Сметката ќе се ревидира...“. Си заминав...

На 12.11.2007 го гасам Канопито и почнувам активно да користам MaxADSL. Во месец ноември, на WADSL имам направено сообраќај од 3462,16MB

На 28.11.2007, одам во продажниот салон во Беверли да му ставам крај на чекањево и да ја заврзам работава... решен да го платам тоа што го должам и да барам да си ја соберат опремата. Разговарам со истата „убавица“... овојпат е љубезна... во првите 5 минути. Нормално на ништо од претходната средба не се сеќава и ми го вели следново: „Да вие сте поднеле приговор, но негативно е одговорено на барањето за попуст. Попустот за месец 8,9 и 10 не ви е одобрен!“. Велам: „Ама каков попуст, па јас поднесов договор за раскнување на договор, а не за одобрување попусти!?“. Вели:„Да ама не сте го навеле тоа во приговорот... вработените во нашата служба за корисничка поддршка не знаеле за што се работи... Поднесете нов приговор...“. Велам: „За кој ќе треба да чекам уште 15 дена?!?!?!“. Во меѓувреме еден, веројатно ново-вработен дечко ги чита ставките што сум ги навел во приговорот и вели: „Ова не е вистина... Сите компании сметките ги наплаќаат однапред...“. Во приговорот имав наведено дека не сум задоволен зашто сметката морам да ја платам до 16-ти, во месецот иако тој не завршил и иако јас не сум го искористил она за што плаќам! И тука зовривам, почнувам да повишувам тон, се расправам и со двајцата наизменично, но не сум безобразен за разлика од нив, за кои „Вие“ стана „Ти“ итн. Конечно, дојде шефицата на салонот, се извини што влегува во дискусија, ме замоли да поднесам нов приговор во кој експлицитно ќе наведам дека сакам да го раскинам договорот за WADSL, дека сум ја исклучил антената и дека немам намера повеќе да користам WADSL. Ми даде лични гаранции дека таа ќе го достави приговорот на соодветното место, дека ќе бидам во најкус можен рок информиран, уште еднаш потенцирајќи дека таа лично ќе се погрижи за тоа да се оствари. Се заблагодарив, замолив уште еднаш да побрзаат и реков дека доколку не добијам одговор на приговорот, повеќе нема да доаѓам во салонот и си заминав.

На 29.11.2007, ми се јави еден „момак“, кој не се ни претстави. И почна да ми збори као сум имал приговор за попуст поднесено и дека не му било јасно што е работата со мене... преку глава веќе... му објаснив смирено во што е работата... Рече дека ќе ми се јавеле повторно.

Наредниот ден, 30.11.2007, добивам мејл од извесна персона, дека бидејќи не можеле да ме добијат телефонски, преку електронска пошта ме информираат дека приговорот е прифатен и дека договорот ќе биде раскинат без било какви надоместоци од моја страна. Фала курцу!!! Појдов во омилениот продажен салон во Беверли :) но овојпат ја фатив втората смена... па ајде дур се објаснив со нив што сакам, дур тие се договорија со шефицата на салонот, па дур го направија потребниот документ поминаа уште 20-тина минути. На крај имаше уште неколку непрофесионални моменти, но нив ми е мачно да ги наведувам зошто раце ми паднаа од пишување... а на крајот на краиштата јас конечно го добив тоа што го барав, па зарем ми е гајле кој сељак од персоналот како ми се обратил?!

Ете како раскинав со Он.нет. :-)

Ratatouille (Disney/Pixar 2007)

2007-11-27T15:04:00.000+01:00

Брилијантно, со многу вкус, чисти емоции и неверојатна анимација. Класика! Мора да се погледне!

Сподели Кино 2.06 / 28.11.2007 - среда / 18 часот / Точка

2007-11-25T23:19:00.000+01:00

Овој пат уредник на вечерта е Дарко156. Еве ја најавата од Дарко:

Обожавам негативци. Едноставно држат противтежа эа конструктивна дискусија. Еден таков контраш, ако не и најпопуларниот во контекст на web 2.0 е Andrew Keen, автор на блогот The Great Seduction и автор на книгата The Cult Of The Amateur.

Со добар дел од неговите ставови не се сложувам, но сепак многу е корисно кога човек може да слушне/прочита став кој е спротивен на неговиот, едноставно многу помага во понатамошното перцепирање на работите и во разбиструвањето на некои теми.

Видеото е презентација/говор поповод неговата книга (The Cult Of The Amateur) пред вработени во Google. Или што би се рекло во Змаевото гнездо.

Видеото на англиски и нема превод, но тоа никогаш не било пречка. :-) Повелете на кино и дискусија.

Ваучери

2007-11-16T22:53:00.001+01:00

Веќе навистина ми досади да го правам муабетов ама имаше денес неколку ситници, па да поделам. Риверсофт дефинитивно не продава компјутери со ваучери легално... или барем не оние конфигурации за кои се доплаќа. А во моментов такви се сите, бидејќи нели нема конфигурација со монитор, за помалку од или еднакво на 12.300 денари. Што се случува? Сакаш да купиш компјутер со доплата и како составен дел на истиот да вклучиш и да речеме LCD монитор, на ваучерот т.е. на посебниот формулар се внесува сумата на конфигурацијата без таа да ја вклучува и цената на мониторот. Значи, за ваучер и доплата ти продаваат конфигурација без монитор, што е нели нелегално. Мониторот ти го наплатуваат во вкупната сума, но како посебен дел, на посебен документ, за кој соодветните институции немаат увид или пак имаат увид и се толерантни. Патем општиот впечаток што го имав додека се наоѓав во просториите на компанијава, беше дека јас сум дошол таму да земам нешто гратис или да се ценкам, а сигурен сум дека таков впечаток немаше да добијам ако атмосферата не беше како на пазарче. Јас разговарам со еден од вработените (Персонал-ниов), кога во даден момент, на сред дијалог, влетува познаник на Персонал-ниов, ни го ебе муабетот и јас добивам игнор. Култура алооооооо..!!!

Друга работа... компјутерот го плаќаш на едно место, а го подигаш во магацин што е 15 километри далеку од продажново место. Тоа е дополнителен трошок! Да, така можеби се спречуваат дополнителни гужви и се прави подобра организација за вработените, но потрошувачот е оштетен. Нема секој да даде 200 и кусур денари за такси до Сингелиќ и да се врати дома за уште 200 и кусур. Ај што нема, туку и не треба има. Од кога бе поранешните простории на Европски Универзитет се магацин на РиверСофт?!

Трета работа, ако сè уште има некој што не чул, компјутери купени со ваучери се препродаваат за 120€. Таа цена континуирано паѓа...

Поделбата на ваучери и морално и интелектуално го осакати овој и онака неписмен народ.

Ubuntu Home Server

2007-11-11T22:40:00.000+01:00

Ubuntu Home Server (UHS) ќе биде посебно издание, специјализирано за администрирање на домашна мрежа. Се работи за мошне млад проект, кој сè уште не е официјализиран, но убаво би било да порасне, па да може да му пркоси на Windows Home Server. За повеќе инфо - скромното вики.

Firefox 3 на повидок

2007-11-07T20:25:00.000+01:00

За околу една недела би требало да се појави првата бета од Firefox 3, за која денеска особено многу се крена прашина на Digg. Некој се истрчал пред време, нели како што се случуваше и за Двојката, што според мене не е лоша работа. Мошне љубопитен, стигнав до неофицијалниот билд и морам да кажам дека сум прилично изненаден (Places, подобрено уредување на работната околина, нова генерација менаџер за преземање, Restart Firefox копче, пребарување низ посетените веб сајтови директно од лентата за внесување адреси, и Plugins е во Додатоци, посебен прозорец со информации за прегледуваниот веб сајт, нов сегмент во Опции наречен Applications, менаџерот за лозинки сега прашува за запомнување по најавувањето на веб сајтот...). Коска! Има доволно новини во преден план, а верувам уште стотици пати по толку во заднина. Задоволен сум уште сега, иако станува збор за близу финална верзија. Бета е, па би требало да има уште полирање. За прв пат во Firefox, после дооо...олго користење, во овој билд, ја почувствував цврстината на корисничката околина на Opera. Ми се чини добро :)

Running with Scissors

2007-11-05T19:58:00.000+01:00

Го пуштивме онака без врска и испадна супер филмче. Ако имате време, погледнете го Running with Scissors.

Режија: Рајан Марфи

Улоги: Анет Бенинг, Алек Болдвин, Гвинет Партлоу, Иван Рејчел Вуд, Брајан Кокс...

Година на издавање: 2006

The story of how a boy was abandoned by his mother and how he, later, abandoned her. The year he'll be 14, the parents of Augusten Burroughs (1965- ) divorce, and his mother, who thinks of herself as a fine poet on the verge of fame, delivers him to the eccentric household of her psychiatrist, Dr. Finch. During that year, Augusten avoids school, keeps a journal, and practices cosmetology. His mother's mental illness worsens, he takes an older lover, he finds friendship with Finch's younger daughter, and he's the occasional recipient of gifts from an unlikely benefactor. Can he survive to come of age? {jhailey@hotmail.com}

„Напред“

2007-10-25T18:20:00.000+01:00

Да ми речеше некој дека после година ипол користење т.н. бродбенд Интернет ќе се вратам на dial-up, ќе му се изнасмеев ама и тоа можело да се случи... ќе помине. Еве еден ретро запис напишан на нецели 56K. Мирис на навталин и три важни новини!

По безмалку 2 месеци чекање и неуспешен старт, го раскинав Соло101 договорот со Он.нет

Поднесов приговор за раскинување на договорот за WADSL... во понеделник за исходот...

Видов во каква бирократија се претворил Он.нет

Сите луѓе што ги затекнав во салоните на Он.нет беа дојдени за да си ги раскинат договорите за користење Интернет преку Он.нет

Gimp има супер нов сајт

Излезе нова верзија од Pidgin |белешки за изданието|

Објавена е првата бета верзија од Opera 9.5

10 омилени албуми

2007-10-03T15:12:00.000+01:00

Portishead - Dummy

The Cinematic Orchestra - Ma Fleur

Cibelle - The Shine Of Dried Electric Leaves

Mulatu Astatke - Ethiopiques Vol.4 - Ethio Jazz & Musique Instrumentale 1969 - 1974

Björk - Vespertine

LCD Soundsystem - Sound Of Silver

Koop - Koop Island

Lamb - Between Darkness And Wonder

Meiko Kaji - Zenkyokusyu

Pink Floyd - Dark Side Of The Moon

Македонски Телекомуникации VS Он.нет

2007-09-29T14:49:00.000+01:00

Не ги сакам ни едните ни другите, ама ова што денес ми се случи несомнено ги става МТ во поповолна позиција. Се појави проблем со телефонската линија, па на секој завртен број се активираше пораката „Немате кредит за следните повикувања!“ иако станува збор за пост-пејд претплатнички број. За среќа, бројот за грижа за корисници е достапен без оглед на проблемите со линијата, па се јавив и пријавив за проблемот. Ми се јави љубезен господин, па бев префрлен на соодветната линија (без коментар дека сум се јавил на погрешно место) и потоа ми беше назначено да се прејавам за 1 час за информации, а ми беше земен мобилен телефон за контакт. Помина еден час, се јавив и ми рекоа дека проблемот е пријавен и дека се чека на соодветната општинска служба. Веднаш потоа добив повик на мобилен, па на фиксен, по што беше допрецизиран проблемот за по неколку минути истиот да биде решен, иако ми беше потенцирано дека решението нема да биде можно до понеделник. Не знам дали е среќна околност, меѓутоа задоволен сум. Од пријавувањето до решавањето на проблемот помина час и половина, што може да се толерира! Патем денот е сабота.

Чисто за илустрација, на 12 септември, со Он.нет склучив договор за префрлање од WADSL на Solo 101. Денес е 29 септември, уште чекам опрема, никој ме нема контактирано за ништо, на секое мое јавување добивам ист идиотски одговор „Има листи, кога ќе бидете на нив ќе ве контактираат!“, сè повеќе жалам што не си најдовр р'чка за да го раскинам проклетиот 2 годишен договор. Си реков ко божем за да скратам процедура, испадна ужас! Кога би имал шанса повторно да изберам, би ги избрал MT!

Firefox, Opera и своjството clear

2007-09-26T13:40:00.000+01:00

Во последно време нешто ептен сум ангажиран околу пишување CSS и до вчера имав уникатен проблем со својството clear во Firefox и Opera. За што станува збор? Секој обид за „чистење“ на лебдечките елементи во рамките на некој div родител, завршува со примена на својството clear и за елементот во кој е вгнезден проблематичниот div т.е. елементот родител.

Проблем: Имаме лејаут со 2 колони, од кои едната лебди во лево, а другата си е фиксирана (ќе се вика десна). Под нив имаме елемент што има улога на футер, за кој е дефинирано својството 'clear:both'. Тоа ни овозможува содржините од десната колона, да не навлезат под левата колона, кога ќе ја надминат нејзината должина. И до тука сè е во ред. Но, при обидот за создавање на нов div (во колоната што ја нарековме десна) со два вгнездени исто така лебдечки елементи во лево и во десно, со негово чистење подолу, се јавува проблемот што го спомнав на почетокот. Се применува чистење за родителот div (десна) и истиот се поставува под левата колона, што е сериозен проблем. Овој проблем е актуелен за прелистувачите Mozilla Firefox и Opera.

Решение: Проблемот се решава со додавање на својството 'overflow:auto' во описот на елементот што е вгнезден и чие протегање сакаме правилно да го ограничиме. Ова решение нема влијание на ниедна верзија од Internet Explorer. Еве од каде јас дознав за ова.

Сподели бесплатни сервиси

2007-09-25T13:50:00.000+01:00

Долго време се подготвувам да пишам за новите бесплатни сервиси со кои сум преокупиран периодов, ама што знам, сè некако на друго си ја трошам енергијата... не дека за ова треба да си билдер :) и не дека зборев за физичка сила ама ај...

Периодов сум активен на Soundsnap - бесплатен сервис за споделување оригинални аудио записи, започнат од пријателот Tasos Frantzolas и доработен со помош на 20-тина негови помошници. Soundsnap има претензии да стане најголемата онлајн библиотека на бесплатни звуци на Интернет. Супер му оди и тоа ме радува. На SoundSnap има навистина голема разновидност од звуци, па може да се најде сè од незначителни шушкања на хартија и крцкања на плоча, до мелодични лупови и грувови - доволно квалитетни и применливи во речиси секаква ситуација. Наместо да ринете по гадни „warez“ сајтови преземајќи колекции семплови што не се бесплатни, преземете нешто по ваш вкус од колекцијата од над 30.000 бесплатни (читај квалитетни) звуци. Патем, ѕирнете ја мојата скромна колекција од десеттина интересни семплови.

CreativeBinge e многу нов веб сервис за графички и веб дизајнери. Овозможува создравање единствено портфолио за секој уметник, има одличен интерфејс, ептен е кориснички ориентиран и како сервис му е препорачан на секој фриленсер од нашава државичка. Моето портфолио е овде.

StockExpert е бесплатен сервис за продажба на royalty-free слики и фотографии. Потребна е регистрација како StockExplert уметник и штом истата е одобрена, продажбата е возможна. Нормално има правила кои мора да се почитуваат, па не може да ставите штогоде на продажба и многу важно сè што продавате на StockExpert мора да е во ваша лична сопственост. Испалата на заработеното се врши преку PayPal или во вид на специјални чекови. Сличен сервис на овој е Fotolia, но лично не сум задоволен од него, па го препорачувам StockExpert.

Vista ранлива на вирус од 1994 година

2007-09-18T12:23:00.000+01:00

Stoned.Angelina е вирус кој датира од почетокот на 1994 година, а Vista е сè уште ранлива на него. Ако Windows како оперативен систем не може да се справи со проблеми стари повеќе од 13 години (од времето пред NT), тогаш како ли ќе се снајде со новите предизвици... Никако! Ете како...

Ова е само уште една потврда дека Microsoft не се грижи за корисниците и нема апсолутно никаква намера да направи ништо подобро за да им ги разубави секојдневијата.

Извор

Ден на слободен софтвер 2007, сабота, 15 септември [Точка, Магор, Мала станица]

2007-09-10T17:39:00.000+01:00

Дискови со слободен софтвер ќе се делат од 11 до 18 часот во кафе книжарницата Магор и културниот центар Точка. На овие места ќе има и презентации во живо на оперативниот систем GNU/Linux. Се што треба да направите е да дојдете и да си земете CD. Во Точка и Магор ќе има и искусни корисници на GNU/Linux од кои ќе можете да добиете совети за тоа како да го инсталирате софтверот или одговори на други прашања кои можеби сте ги имале за слободниот софтвер.

Вечерта со почеток во 20 часот во Мала станица (Медиум) ќе има проекција на филмот „Good Copy, Bad Copy“, и ако останат, ќе има уште дискови за делење.

За да ги информира медиумите за овој настан, Слободен софтвер Македонија ќе одржи конференција за печат во четврток, 13.9.2007 во НВО инфо центарот во Скопје во 12 часот.

Сето ова ќе биде одлична најава на новата сезона „Сподели“ која наскоро ќе започне!

Настан на 15-ти исто така ќе има во Прилеп, а неколку дена подоцна и битолчани ќе организираат прослава во својот град.

400 милиони лисици

2007-09-08T10:41:00.000+01:00

Поминаа 1002 дена од објавувањето на Firefox 1.0 (9. ноември 2004 год.), а (според spreadfirefox.com) резултатот е повеќе од 400 милиони преземања на Интернет прелистувачот со отворен код. Во периодот од појавувањето па сè до денес, Firefox е преземан во просек по 400 илјади пати дневно, иако минатиот месец таа бројка се искачи и над 500 илјади преземања.

Честитки, па догодина нека бидат 800 милиони. :) Зошто да не?

Ако сè уште не користите Mozilla Firefox, направете си го денот посебен. Земете Firefox овде или со клик на симпатичната сликичка погоре.

Inland Empire

2007-09-04T23:24:00.000+01:00

Inland Empire (2006) - Justin Theroux, Laura Dern, David Lynch, Jeremy Irons
Фотографија на IMDB

Значи, сосем одлепен филм. Немам зборови! Ќе ми треба сигурно уште два пати да го гледам за сосем да си ги средам впечатоците, ама задоволен сум и сега од тоа што го видов. БРАВО за Laura Dern - фантастична изведба! Режисер: David Lynch.

Еве накратко за што станува збор:

Internet Movie Database: An actress's perception of reality becomes increasingly distorted as she finds herself falling for her co-star in a remake of an unfinished Polish production that was supposedly cursed.

Ubuntu Hardy Heron (8.04)

2007-08-29T23:07:00.000+01:00

Одбројувањето и официјално започна. Ќе се брои до април 2008 година. Соопштението е овде.

Handbrake 0.9.0

2007-08-20T20:00:00.000+01:00

Handbrake е повеќе-платформски DVD во MPEG4 претворач со отворен код, достапен за GNU/Linux, MacOS X и Windows. Деновиве беше објавена првата официјална јавна верзија од апликацијата, со сериозни новини и измени во однос на претходните тест верии. Кој се обидел со Handbrake знае колку е едноставно да се претвори едно DVD издание во соодветен подвижен видео формат. Кој не знае може да го почне другарството овде.

Слика 1. Приказ на прозорецот што се појавува при првото (или во зависност од изборот на корисникот, при секое) стартување на Handbrake.

Што се смени во однос на последната тест верзија?: графичкиот интерфејс за MacOS X и Windows речиси целосно;; брзината при претворање во iPod видео формат;; квалитетот на сликата на компресираниот видео материјал, благодарение на новите механизми на деблокирање и скалирање на оригиналниот видео запис;; компатибилноста со соодветните iPod и PSP (PlayStation Portable) видео и аудио формати;; стабилноста на апликацијата (Handbrake е коска!)

Слика 2. Приказ на главниот прозорец на Handbrake 0.9.0.

За Windows е потребна Microsoft .Net Framework 2. Ако има нешто нејасно повелете овде. Мене на пример, ме интересира зошто нема 0.9.0 верзија за GNU/Linux?

Под Windows, Handbrake работи речиси идеално. По само неколку клика може да се добие ултра квалитетно видео материјалче за раздавање.

Слика 3. Приказ на тековен процес на претворање на видео запис во различен формат од основниот.

Посебен шмек е даден со готовите пресети. Честитки за изданието и нека се множат. :)

Апдејт: Во официјалниот roadmap пишува дека во изданието 1.0 ќе има мулти-платформска графичка околина, па најверојатно тогаш и за GNU/Linux ќе има ново GUI. Засега за GNU/Linux, како последна постои бета верзијата 0.8.5. Клиентот 0.9.0 за GNU/Linux сега е достапен.

WGA skip

2007-08-08T23:26:00.000+01:00

Пред некое време повторно инсталирав XP и имав потреба да го инсталирам Internet Explorer 7 за да тестирам некои сајтови на кои работев. И нели, заради WGA (Windows Genuine Advantage) процесот на ажурирање на сакатиот IE 6.0 не можеше да се одвива нормално, туку морав да барам начини да го избегнам проверувањето на (не)валидноста на мојата копија на Windows XP. Случајно, многу случајно, на еден Opera блог, стигнав до ултимативен трик за перманентно сјебување на WGA проверувачот под Windows XP.

Еве во што е работата:

При секоја инсталација на поновиот софтвер на Microsoft, што доаѓа со интегриран WGA проверувач, пред да започне инсталацијата, се упатува повик од локалниот компјутер до mpa.one.microsoft.com се разбира преку Интернет. Доколку не сте поврзани на Интернет не сте во предност, зашто проверката е задолжителна. Главната финта на сјебувањето на WGA се состои во менувањето на крајната дестинација до која WGA испраќа порака за проверка на валидноста на оперативниот систем.

А тоа се прави во следниве 2 чекори:

Појди во C:\Documents and settings\All Users/Application Data (точно е напишана патеката) и избриши ја папката „Windows Genuine Advantage“;

Појди во C:\Windows\system32\drivers\etc и измени ја содржината на датотеката „hosts“ со помош на Notepad или уште подобро Notepad++. Додади ја следнава линија на крајот на датотеката:

127.0.0.1 mpa.one.microsoft.com

Тоа е сè. Стартувај инсталација на било кој WGA софтвер и проверката ќе биде прескокната. А, зошто? Затоа што наместо до mpa.one.microsoft.com WGA проверувачот ќе прати порака до адресата 127.0.0.1, а тоа е локалниот компјутер (localhost), нема да добие никаква повратна порака, ќе запре со проверките и ќе овозможи понатамошен тек на инсталацијата.

Патем, ми требаше да го задржам и Internet Explorer 6 повторно за тестирање и налетав на Multiple IEs (колекција од сите верзии на IE пред IE 7). Директниот линк за преземање е овде ~10MB.

Wow, wow, wow...

2007-06-23T03:04:00.000+01:00

Сè до денес мислев дека Beryl е всушност скршена технологија, веројатно затоа што никако не ми успеваше да го проработам како што треба... Ама ова што имав прилика да го доживеам откако го инсталирав „Compiz Fusion“, е многу тешко-објасниво со зборови. „Compiz Fusion“ е благослов, привилегија, финта, финеса, помош, занимација... но во никој случај не е ни блиску до тоа што е Beryl како самостојна апликација (мислам од аспект на перформансите при работа и нормално целам кон тоа дека Beryl е тапа). Има многу новини, работи беспрекорно, навистина... инсталацијата е боза... Морате да ги погледнете: Expo, Group and Tab Windows, Paint Fire on the Screen и Cube Reflection.
„Compiz Fusion“, те сакам! :D

Патем, за инсталацијата се послужив со ова упатство, а на истата страница има и врски до 3 различни видеа – демонстрации за новините во „Compiz Fusion“.

Време за Gutsy Gibbon

2007-06-21T00:00:00.000+01:00

Следното Ubuntu следува во октомври годинава и од информациите до кои стигнав, ќе има многу новини. Како една од најглавните е интегрирањето на „Compiz Fusion“ во дистрибуцијата (ова е од вчера), и неговото назначување за основен генератор на работната околина, за системите што располагаат со соодветен хардвер. За послабите конфигурации сѐ уште ќе си постои Metacity.

Меѓу другите новини:

2.6.22 Linux kernel

Xorg 7.3

Upstart 0.5

Ubuntu 7.10 Mobile

Ubuntu 7.10 Embedded

Официјално: 1, 2, 3.

Патем, си ја најдов позадината за Убунту што ја имам направено одамна. :)

Сешто

2007-06-20T01:19:00.000+01:00

Конечно си го средив блогов;

Му се предадов на Ubuntu;

Привремено го откажав Beryl;

Најдов лек за проблематичниот div (clear:both) во Blogger;

Научив еден начин како се увезуваат емоции на Blogger блог;

Се врзав за Pidgin;

Научив дека најновите драјвери на Nvidia под Ubuntu 7.04, подобро работат доколку е исклучена опцијата „Sync To Vblank“ и тоа, и во OpenGL Settings и во X Server X Video Settings;

Конечно си го средив блогов; :D

Проект „Праска“

2007-06-18T23:33:00.000+01:00

По огромниот успех на „Elephants Dream“, фондацијата Blender е иницијатор за уште еден отворен филмски проект. Повторно, најдобрите Blender 3D уметници ќе бидат поканети да работат на новиот анимиран филм, во периодот од октомври 2007 до април 2008 година, а ќе им бидат покриени сите трошоци за патувањето и престојувањето во Амстердам.

И после немало леб од open-source... па кој сака леб покрај вакво задоволство :)

Едвај чекам да видам што ќе биде финалето, а во продолжение еве ја официјалната објава за проектот „Праска“.

Патем, уживам во Ubuntu :D

Mузика

2007-06-13T16:27:00.001+01:00

Немам многу што да коментирам, па затоа и само се врзав.

The Cinematic Orchestra - Ma Fleur
(жанр: jazz, future jazz, down-tempo)

01 To Build A Home feat Patrick Watson
02 Familiar Ground feat Fontella Bass
03 Child Song
04 Music Box feat Patrick Watson/Lou Rhodes
05 Prelude
06 As The Stars Fall Into You
07 Into You
08 Ma Fleur
09 Breathe feat Fontella Bass
10 That Home feat Patrick Watson
11 Time And Space feat Lou Rhodes (*)

(*) Колку е убаво да се чуе Lou Rhodes на музика од The Cinematic Orchestra... се потсетив на енергијата на „Clouds Clear“.

mo'horizons - Sunshine Today (дел 1 | дел 2)
(жанр: future jazz, nu jazz, electronic)

01. Sunshine Today 06:15
02. Ay Y N’Ama 04:14
03. Tu Fiesta Personal 04:33
04. Brandnew Shoes 05:10
05. My Bombombomb 04:28
06. Green Day 05:54
07. Quem Nao Tem 05:16
08. Shake Ya Byron (Mo’Ho meets Toon) 05:34
09. Dia Encantandor 03:57
10. Kikiribu 05:47
11. Southern Fried Funky Lovesong 05:50
12. Insatiable 04:57
13. Lovely Day Inside 05:46

Mulatu Astatke - Afro Latin Soul Vol. 1 & 2
(жанр: jazz, bossa nova)

vol.1
01. I FARAM GAMI I FARAM 2:25
02. MASCARAM SETEBA 1:47
03. SHAGU 3:00
04. ONE FOR BUZAYHEW 3:25
05. ALONE IN THE CROWD 4:00

vol.2
01. ALMAZ 2:50
02. MULATU'S HIDEAWAY 2:40
03. ASKUM 2:04
04. A KISS BEFORE DAWN 3:15
05. PLAYBOY CHA-CHA 3:50

Mulatu Astatke екстра (torrent - Mulatu Astatke (Broken Flowers OST) - Ethiopiques Vol. 4: Ethio Jazz & Musique, Instrumentale 1969-1974 )

Секој викенд... желба имам

2007-05-19T16:15:00.000+01:00

... ама никако да ми се оствари. Он.нет никако да се среди...

Се подготвува Starcraft 2

2007-05-19T12:19:00.000+01:00

Велат направиле подобар енџин, за спектакурана графика и масивни армии... нудат вчудоневидувачка single player кампања... ќе ја вратат магијата на оригиналната игра... Официјалниот веб сајт е функционален, полн е со скриншотови и со два официјални промотивни видео материјали.

Апдејт: Еве ги видеата што Blizzard сè уште не ги хостираат на официјалниот веб сајт. А еве го првото од нив и на YouTube.

Personas

2007-05-16T11:22:00.000+01:00

Personas е нов Firefox проект, што делува мошне амбициозно. Постои на ниво на веб сервис, а со Firefox се интегрира преку истоимената минијатурна екстензија, со што на корисникот му е овозможено да го менува ликот на Firefox во реално време. По дефиниција Persona е малечка престилка (skin) за Firefox, што се аплицира без притоа да има потреба од рестартување на прелистувачот. Проектот е во рана фаза од својот развој така што сè што во иднина ќе се случува ќе го носи кон подобро, иако и ова што е понудено како за почеток не е воопшто лошо. Единствено не ми е јасно, кој би сакал да има зајдисонце зад алатниците во Firefox. :) Но, добрата работа е што секој може да си направи своја Persona доколку туѓите не му се допаѓаат.

Blender 2.44

2007-05-14T15:34:00.000+01:00

Верзијата 2.44 ми станува некако особено омилена, веројатно заради поимот „Surface Scattering“. Убавини му се случуваат на Blender во секоја нова верзија. Дел од нив овде. Blender одамна веќе не е алтернатива, на што сум особено радосен. Честито 2.44!

„Firefox“ моливчиња

2007-05-01T21:52:00.000+01:00

Зад сликата стои how-to. Многу интересно :)

Flex се отвори

2007-04-26T10:50:00.000+01:00

Adobe Flex (поточно Flex SDK) од вчера е open source и тоа под Mozilla Public License. Баш се изненадив. Cè тука.

100k за „Joomla!“

2007-04-12T20:22:00.000+01:00

Со вкупно 100,000 регистрирани валидни корисници форумот на „Joomla!“ е официјално најголемиот Open Source CMS (Content Management System) форум на планетава! Нешто сум преокупиран со Joomla! во периодов па случајно ми забоде очи веста на насловната. Честитки :)

На „ShipIt“... „Fiesty Fawn“

2007-04-11T18:21:00.000+01:00

На 8 дена пред официјалната промоција ShipIt прифаќа нарачки за Ubuntu Fiesty Fawn. Бујрум :)

И официјално

2007-04-09T22:57:00.000+01:00

Здраво на сите :)

Се надевам дека со своите содржини позитивно ќе допринесам за планетава. Почнав со 3 објави одеднаш, а којзнае со колку ќе завршам ;)

... до Firefox 3

2007-04-05T00:54:00.000+01:00

Што сè треба да се случи, пред Firefox 3 и официјално да биде објавен?

алфа 4, до крајот на април
алфа 5, до крајот на мај
алфа 6, до крајот на јуни
бета 1, во јули
бета 2, во септември
официјална верзија, октомври/ноември 2007

Претстојат навистина интересни опции. Да се надеваме дека ниедна од нив нема да биде изоставена. Засега е планирано во Firefox 3 да може да се сурфа офлајн, да може да се зачувуваат веб страници како PDF документи и планирана е целосна компатибилност со Vista (неговите родителски контроли и т.н. безбеден мод на работа). Само напред.

Кајмакот

2007-04-03T13:51:00.000+01:00

Баш супер :-) Сега ќе биде навистина лесно да се промовира било каква вест онлајн многу брзо и ефикасно. Ми се допаѓа сè што се однесува до проектот на Глиша. Верувам дека брзо ќе стане популарен и ќе биде посочен во многу (ако не и сите посериозни) пишани и електронски медиуми. Си добивме локален Digg и подобро ќе ни биде да си го чуваме и одржуваме. Навистина се израдував! Како што можете да забележите си ставив и линк за директно објавување на секој мој запис, на Кајмакот.

3Mbps на WADSL

2007-04-01T01:04:00.000+01:00

Уфф... се случува повторно. Како би било добро да може да остане засекогаш. Освен во вид на рандом грешка, ваква услуга од Он.нет не гледаме во наредните 5 години. Барем јас така мислам.

Off Fest 2007

2007-03-29T22:13:00.000+01:00

Не дека навистина постои простор за сомневање, ама сепак сакајќи да си го потврдам тоа што го има објавено plagij.at, прошетав и сликнав кај можев, па еве што излезе од сето тоа. Gotan Project доаѓаат пак, дефинитивно, а на Bebel Gilberto нема кој да `и го ажурира сајтот :) Се надевам, ќе одам и на двете.

Инаку, денес имав шанса да го преслушам новиот албум на Bebel, „Momento“ и морам да признаам дека на прво слушање и не остава којзнае колку добар впечаток. Што знам? Некако сè ми е без шарм. Веќе многупати слушнато. Можеби сум грешка.

Македонски јазик(от)

2007-03-27T22:13:00.000+01:00

Три Шишиња

2007-03-27T20:44:00.000+01:00

Коа рече ми тргна со позадиниве... :) Направив уште една, за која лично сметам дека е најсофистицираната досега и која што во себе има многу повеќе уметност, отколку било која претходна. На deviantART е зипот со различните верзии на сликата за вашата работна околина т.е. Десктоп.

3 Bottles by ~monsteer on deviant ART

Seven it is

2007-03-24T17:33:00.000+01:00

Последната позадина што ја направив за занимација. Достапна е на deviantART во сите најпопуларни графички резолуции и изгледа фино на големи, а особено е оптимизирана за LCD монитори. Не сум ставил дури ни копирајт ;).

Seven It Is by ~monsteer on deviant ART

SP 1102

2007-03-22T02:36:00.000+01:00

South park 1102 - Cartman sucks

Brief 0.5.1

2007-03-15T19:08:00.000+01:00

Конечно си најдов саглам RSS читач за Firefox. Се вика Brief, објавен е на 27 февруари 2007 и Sage може вода да му носи. Има прекрасен интерфејс, го користи матичниот начин на известување на Firefox и што е најважно брз е како струја (како и да биде ова сфатено :) ). Нуди дузина издржани нагодувања, овозможува обележување на омилените вести и изгледа како на сликава. Препорака преземајте веднаш :D

"Amarok" за Windows

2007-03-13T20:14:00.000+01:00

Всушност не буквално, ама ова е најблиску што може да се дојде под Windows, со оглед на тоа што Amarok не е достапен за него. Кога првпат се сретнав со Amarok паднав на сè што тој носи со себе и посакав барем во периодот додека ја правам миграцијата Windows-Linux, да има начин под Windows да се чуствувам помалку фрустрирано. musikCube е присутен нешто подолго време на сцената и навистина не знам што сум мислел пред една година кога прв пат се сретнав со него. Тогаш ми беше премногу коцкаст, несимпатичен, не знаев дека има додатоци и визуелни теми за него, а погрешно го разбрав и целиот концепт околу креирањето на база од сета музика во локалниот компјутери како и ползувањето од постоењето на истата. Деновиве се убивам од слушање музика, откривам нумери што сум заборавил дека ги имам, инстантно ги наоѓам песните на кои се присетувам и посакувам уште да можев да си го ажурирам Last.fm профилот од musikCube. Мислам дека само уште тоа недостасува за насловот да биде целосно соодветен.

musikCube e ултра стабилен аудио медија плеер, што користи страшно малку RAM (1-4MB) и совршен е за постари машини. Поддржува сè што е денес популарно од аудио кодеци (mp3, ogg, wav, flac итн.), прави претопи од песна во песна, нуди екстра ефикасен пребарувач и рандомизатор, дозволува тагување, рангирање и уште многу, многу други корисни зафрканции. А инаку се базира на open source проектот musik.

Ја користам верзијата 1.0 и не сум се сретнал со некои страшни проблеми, но има работи заради кои корисниците се жалат.

Sumatra PDF

2007-03-11T02:20:00.000+01:00

Sumatra PDF е релативно нов бесплатен open source PDF читач за Windows, лиценциран под GPL v2. Има минималистички дизајн и многу е полесен од другите PDF читачи (инсталацијата е нешто помалку од 1MB). Функционира супер. Низ досегашното користење не успеав да најдам некои посериозни недостатоци. До сега го користев Foxit Reader, но од сега ќе го користам Sumatra PDF. Не спомнав дека софтверов е сè уште во бета, но тоа речиси и да не се забележува зашто е екстра стабилен. Основната намена на Sumatra PDF е да служи како подвижен (portable) PDF читач, па затоа е и толку мал. Сликава е од оригиналниот веб сајт и изгледа е од некоја постара бета, ама врши работа.

Battlefield: Bad Company

2007-03-04T14:59:00.000+01:00

Не знам дали е до текстурите, ама ова е ептен реалистично. Се работи за игра во изработка, најавена како акција од прво лице. Повеќе информации на Википедија.

Скриншотовиве се земени на PlayStation 3, a има и трејлер (од Xbox 360). Уште подобро е што тој е навистина забавен. Не треба да се напоменува дека ова подолу е 'in game' секвенца, нели?

Mixxx 1.5

2007-03-04T02:49:00.000+01:00

Open source одговорот на екстра комерцијалните софтверски апликации за DJ-и се вика Mixxx. Mixxx е првиот повеќе платформски open source миксер, наменет за аматерите, но исто така и за професионалните DJ-и. Располага со најголем дел од функциите на комерцијалните апликации така што нема многу пречки тој да стане достојна замена за скапите виртуелни DJ студија. Mixxx е бесплатен, поддржува mp3,wav,ogg, нуди можност за користење хардверски MIDI уреди, овозможува корекција на темпо без менување на пичот итн. Единствената маана му е што не е толку нашминкан како комерцијалните апликации, па на прв поглед делува дури и несимпатично. Тоа не би требало да има врска со функционалноста, ама ете очите сакаат да нѝ бидат излажани... ПРЕЗЕМАЊЕ (3MB)

Марс на мојот десктоп

2007-02-26T15:55:00.000+01:00

Во недостаток на попаметна занимација, решив да ѝ пркосам на NASA, а богами и на ESA. Тие сега нека му ја мислат ;)

I've got Mars on my desktop by *monsteer on deviant ART

Junior Boys Live @ FabChannel

2007-02-23T20:07:00.000+01:00

На блиц едно соопштение. Задутре (25.02.2007, недела) во 17:30 часот по наше време, на FabChannel, концерт имаат Junior Boys. Ретка можност да се чуе како звучи дуово во живо. За тие што немаат врска за што се работи, има 4 песни за слушање на нивниот myspace.
Друга работа... Ако некој знае да го „рипне“ (читај рипува) целиот концерт од оригиналниот веб сајт, убаво би било да го подели :)

The Holiday (2006)

2007-02-23T19:54:00.000+01:00

Не сум некој љубител на боза романтични комедии, ама морам да признаам дека The Holiday е нешто сосема поинакво. Филм каков што одамна немам гледано. Неверојатно лесен за гледање, вообичаен во секој поглед, длабок во дијалозите, а без навлегување во многу детали... Чиста приказна за нормалните маж-жена односи и крајно ненаметлива сатира на причините за меѓуполови проблеми. Актерската екипа е приказна за себе... Камерон Дијаз, Кејт Винслет, Џад Лоу, Џек Блек а на 3 секунди и Дастин Хофман. Трае 138 минути (2 и нешто часа) а не нѝ почувствував кога помина.

NetBeans worldTour 2006-2007

2007-02-20T19:22:00.001+01:00

Откако ја ослободи Java, Sun Microsystems го обнови развојниот пакет NetBeans со верзијата 5.5 и започна светска кампања за едукација на масите и уште поголема популаризација на Java. Во тој контекст понудена е услугата „Нарај го твоето бесплатно NetBeans worldTour CD“. Истата услуга функцуонира и во Македонија или можеби требаше, за Македонија. Моето CD стигна пред два дена и тоа во временски период од само 5 дена. Супер! Штом ќе го нарачате вашето CD, повремено посетувајте ја страницава и во најдолниот дел од неа, внесете ја точната email адреса за да си проверете дали CD-то ви е испратено и кога тоа се случило.

Ubuntu Studio

2007-02-15T01:44:00.000+01:00

Во април, годинава нè чека уште едно иновативно издание од Ubuntu, за кое особено сум запален, зашто ме гаѓа во срце. Пред некое време реков како единствената причина зашто не сум на Линукс се апликациите за правење музика... епа Ubuntu Studio ќе биде одлична основа за да почнам со миграцијата. Ќе изобилува со корисни аудио/видео апликации и ќе биде вистинска мултимедијална работна станица. Ubuntu Studio е многу, многу импресивна дистрибуција и сосема извесно е дека ќе наиде на огромно внимание од корисниците, но сега за сега има сиромашни официјални информации. Тука се сликиве на Flick, викито и официјалниот веб сајт.

Animator vs. Animator 3D

2007-02-13T19:51:00.000+01:00

Култното видео Animator vs. Animator „доби“ и трет дел. Овој пат дејствието е сместено во една апликација за 3D визуелизација... незаборавно :)

Вистината е дека ова видео е победничко на овогодинешниот интернационален фестивал за анимација и компјутерски игри - Animex, во категоријата „Games Design“. Нема директна поврзаност со серијалот Animator vs. Animator, но очигледно дека идејата е слична. Justin Hеnton е авторот на „ESC“.

Што е Rosegarden?

2007-02-09T01:58:00.000+01:00

Rosegarden е единствениот Cubase еквивалент за Linux. Rosegarden е професионален аудио и MIDI секвенцер, аранжер и општо-наменски аудио композитор и едитор. Постои одамна т.е. некаде од 2002 - 2003 година и до денес има стигнато до верзијата 1.5, што беше објавена на 7-ми февруари 2007 год. Во декември 2006 година, Rosegarden беше Проект на месецот на SourceForge.net, така што јасни се сигналите дека се работи за издржано издание што вреди да се проучи.

Сè уште не сум го пробал, но имам во план да го направам тоа најскоро што можам и да пишам рецензија, ако имам што повеќе да кажам од SoundOnSound - еден од најдобрите магазини за музичка продукција, што има одлична рецензија за Rosegarden.

Во контекст со претходните записи за Ableton Live и FL Studio 7, ми текна да пребарам и да видам како стојат работите кај Linux. Всушност и најголемата пречка што сè уште не му се препуштам, е што не сум сигурен колку добро може да ги замени Windows апликациите за правење музика. Се надевам дека еден ден и под Linux, правењето музика ќе биде еднакво добро како и под Windows, а зошто да не и подобро.

GOTYE

2007-02-03T15:08:00.000+01:00

„Gotye е многу нешта за многу луѓе и во исто време, многу нешта на само една личност (на самиот себе си, на пример), иако многупати може да биде малку нештa, за малку луѓе. Одеднаш.

Понекогаш, тој може да значи нешто за некоја личност... или луѓе, (а сите знаеме дека можно е да излажеш некои луѓе, понекогаш) но мора да се каже: неговата цел е да се залажува себеси, постојано. А тоа и го прави.
Понекогаш...“

Се отрув со албумов | Gotye - „Like Drawing Blood“ |, а ова погоре се извадоци од неговата „биографија. Баш инди. Одамна не сум слушнал нешто олку добро.

РЕКОМПРЕСИРАЊЕ НА ВИДЕО СО VLC media player (под Windows)

2007-02-02T16:25:00.000+01:00

Иако нема типичен, а уште помалку „user-friendly“ интерфејс, сепак VLC е една од најдобрите апликации за репродукција на видео записи и во секоја наредна верзија е сè подобра. До пред извесно време не знаев дека VLC е и одличен транскодер, па си губев време со други апликации.

Во VLC рип на DVD се прави вака:

Посочување на изворот со Open Disk (Ctrl + D)

VLC располага со повеќе различни механизми на отворање или повикување на датотеки, но единствено со Quick Open не е дозволено да се прават дополнителни нагодувања на изворот. За рипување DVD, изворот ни е DVD диск, па затоа и најбрз избор е Open Disk или Ctrl и D oд тастатурата.

Извор DVD... дел тој и тој... запиши на хард диск...

Нагодувања на излезниот „stream“

„Play locally“ е услов за репродукција на транскодираниот видео запис од хард дискот. Поедноставно кажано, оваа опција ви овозможува да го гледате филмот/видео материјалот додека тој се рекомпресира/транскодира.

„File“ се означува за се одреди апсолутната патека на датотеката во која ќе се запишува, при што важно е да се знае дека екстензијата има директна врска со „Encapsulation Method“ подолу. Логично „mpg“ датотека ќе може да има еден од трите MPEG методи на инкапсулирање (затворање)... „mp4“ датотека = MP4 инкапсулација... Quick Time „mov“ датотека = MOV инкапсулација итн.

Video codec:
mp4v = mp4 компресија
Bitrate = квалитет на транскодираниот видео материјал (1024kbps=DVD рип на 2 CD-a | 512kbps=DVD рип на 1 CD)
Scale = големина на излезната слика (1=оригинална големина | 0,5=половина помали димензии на излезниот видео запис)

Audio codec:
Audio codec = тип на аудио компресија
Bitrate = квалитет на транскодираниот аудио материјал
Channels = број на канали на зачуваниот аудио запис (2=стерео | 6=5.1 surround)

Враќање во првобитната состојба

Ако по рипувањето не се деактивира опцијата Stream/Save, на повторно отворање на датотеката т.е. DVD дискот, ќе се почне со транскодирање отпочеток, што ќе значи и трајно губење на претходно конвертираниот видео материјал.

Транскодирањето трае толку колку што и трае филмот, т.е. видео материјалот. Ако настанат било какви грешки при транскодирањето, тие исто така ќе бидат присутни и на излезниот видео запис. Затоа препорачано е додека се транскодира, компјутерот да не се оптоварува со други „тешки“ задачи.

Убунту седум

2007-01-31T23:31:00.000+01:00

Во контекст на претходно кажаното и во чест на Убунту 7, направив едно фино позадинче. Сликава подолу е колку само за преглед, а инаку зипот со верзии во неколку пропорционални графички резолуции, ќе го најдете на мојот Девијант или конкретно *овде*.

Инаку, немам во план да пишувам само за Линукс. Така се погодија темиве :)

Како да се одолее на „магијата“ на Виста?

2007-01-31T18:01:00.000+01:00

Никогаш не сум платил за лиценца Windows. Веројатно никогаш и нема тоа да го направам. Вистина е дека сум користел и сè уште користам Windows, ама го користам на македонски начин. Пират сум, ама така само Microsoft ме гледа... значи не се важи... Скоро инсталирав Ubuntu, па сè уште се привикнувам на новиот начин на размислување... да не речам се опаметувам.

Неделава беше и официјално промовирано новото „чудо“ (читај ѓубре) за кое Microsoft, цели 5 години црнчеше, а сè што направи е нов service pack за Windows XP… нормално го објави како нов оперативен систем. Се изнагледав глупости на You Tube, па ми дојде интересно за да ги ставам на блог.

Зошто е глуп Бил Гејтс?

Зошто Windows Aero е евтина играчка?

Зошто Microsoft е ужасно лоша копија на сè што направилa компанијата Apple?

Какво „Aero” има Ubuntu 6.10?

И уште еднаш за Beryl…

Дур го има Бил Гејтс ќе се смееме, потоа ќе учиме Linux. Не дека сега не учиме, ама ете... повеќе се смееме :)